Dojna Mema flet shumë hapur me ndjekësit e saj dhe nuk kursen dhënien e mendimeve për çështje që ende konsiderohen si tabu në vendin tonë.
Në një pyetsor të zhvilluar në Instagram, ajo u pyet nëse është normale që një vajzë 19-vjeç të jetë e virgjër.
Por moderatorja është shprehur se normale nuk iu është dikur pyetje, sidomos e ardhur nga një vajzë.
Dojna u shpreh se një cipë nuk përcakton një vajzë është e mirë apo e përdalë.
“A është normale të jesh e virgjër 19-vjeç?”- u pyet ajo.
“Nuk është normale që ka njerëz që pyesin për virgjërinë. Një herë e mirë: Një cipë nuk përcakton sa vajzë e mirë, e përdalë apo e prapambetur je. Nuk tregon asgjë për ty, por tregon gjithçka për dikë që ta vë në dukje apo ta bën si pyetje!”– iu kthye Dojna.
Një tjetër pyetje që iu bë ishte në lidhje me sjelljen e meshkujve pas ndarjes nga femrat.
“Meshkujt pasi i refuzon i thonë të gjithë shoqërisë që atë femër e kam pasur si edhe fjalë fyese për të,”- shkroi një prej ndjekësve.
“Janë këta meshkujt në tentativë që shoqërohen nga të ngjashmit e tyre. Mos e vrit mendjen,”– u përgjigj moderatorja.
