Kryetari i një force të re politike, LIBRA, Ben Blushi, është zhdukur fare këto kohë nga skena politike. Ai nuk arriti të sigurojë një mandat deputeti në Parlament, duke u bërë kështu viktima e ligjit të zgjedhjeve, e cila penalizon partitë e vogla. Duke vendosur një prag të lartë për ta për t’u bërë deputet, duhen shumë më tepër vota sesa kur je nën siglën e një partie të madhe.
Pa dyshim që ka pasur një keqardhje shumë të madhe për mungesën e Blushit në Parlament, si një zë i fortë opozitar dhe një përfaqësues i denjë, jo vetëm i partisë së tij, por edhe e intelektualëve shqiptarë. Ndërkohë që nuk është prezent në ekrane dhe në median e shkruar, ne e gjetëm Blushin në një nga baret e Tiranës.
Nuk është në shoqërinë e ndonjë politikani, por të Arian Çanit, të cilin e ka mik prej shumë vitesh dhe Robert Alisë, një tip edhe ai shumë kontravers në ekran, njëlloj si Çani. Nuk e dimë se si do të pozicionohet Blushi në situatën e re poltike, pasi për të bërë opozitarin, nuk është e thënë të jesh patjetër në Parlament.
